මිතුරා
නමින් සුනිමල් මගේ මිතුරා
සෑම දිනකම උදෑසන මා
එන තුරා සිටි මගේ මිතුරා
රසම රස ටොෆී මල්ලකින්
මා අත පුරවනා මගේ මිතුරා
එදා දුන්නේ අළුත් කෑමක්
රස බලන්නට මගේ මිතුරා......
සුදු පැහැති කවරයක ඔතලා
දුන්නේ තනියම කන්න කියලා
පන්තියට විත් ගාථා කීමට
කලින් මා එය රසද බැලුවා
හිතාගන්නට නොහැකි ලෝකෙක
අතරමංවූ බවක් දැනුනා
හෙටත් ඒ රස විදිය යුතු බව
මගේ හිත මට තදින් කීවා......
වයස විස්සක මගේ මිතුරා
පසු දිනත් මා සොයා ආවා
ඔහුට කලියෙන් ඔහු බලන්නට
වැට අයිනේ මා රැඳී සිටියා
ළමා විය පසුවෙන්න කලියෙන්
මත් වෙන්න මා පුරුදු වුවා
"සෙත් සෙවණෙ" බංකුවක් උඩ අද
මගේ
අතීතය මතක් කෙරුවා......
(සාරදා මානවඩු)
0 Comments